Leiðsögumenn, skil þá ekki.....

"Ragnheiður Björnsdóttir segir að landið beri ekki alla þá ferðamenn sem hingað komi að óbreyttu. Þessi þróun geti bara versnað ef ekki verði gripið til aðgerða. Leiðsögumenn vilja að erlendum hópum verði gert skylt að kaupa íslenska leiðsögn. Ólöf Ýr Atladóttir segir að það sé eitt af því sem þurfi að skoða en það geti reynst erfitt í framkvæmd vegna alþjóðlegra skuldbindinga."www.mbl.isEn hvað með þegar að Íslendingar fara erlendis með leiðsögn héðan hummm? Það yrði skrautlegt að kaupa ferð til Póllands og vera með Pólskan leiðsögumann (sem kynni ekki eitt einasta orð í ensku). Íslensku leiðsögumennirnir verða bara sætta sig við þetta að fólk kaupi pakkaferðir í sínu heimalandi með leiðsögn, þeir gætu farið í það að semja við ferðaskrifstofur erlendis um leiðsögn þá geta þeir hætt að væla. Svo annað þar sem við Íslendingar mættum taka upp er að rukka inn á alla þessa stað sem verið er að fara með túrista á, t.d. Gullfoss - Geysi - Jökulsárlón gæti talið endalaust upp. Af hverju ekki að rukka inn á þessa staði eins og í já t.d sund?  Fór á Geysi um daginn, já ef það væri rukkað þarna inn þá væri þetta kannski snyrtilegra, já veit ekki. Á jökulsárlóni ef maður borgaði þangað inn eitthvað ákveðið verð til að komast nær lóninu (ekkert gaman að skoða það úr fjarlægð eða bíl á ferð)og borga síðan talsvert minna gjald í bátinn já eða kannski ekkert væri bara innifalið fyrir þá sem vildu. Læt þetta duga í bili nenni ekki að tuða meir í dag. Langaði bara að segja eitthvað um þessa frétt því ég er ekki sammála leiðsögumönnum um einhver lög.

 

Uppselt á ferðamannastaði

Athugasemdir

[Hildur (IP-tala skráð) 7.8.2008 kl. 17:21]

Sæll

Þú ert aðeins að misskilja hlutverk leiðsögumanna annars vegar og fararstjóra hins vegar. Íslenskir hópar fara yfirleitt alltaf utan með íslenskum fararstjóra, sem er ekkert endilega (og þarf ekki að vera) kunnugur öllu erlendis, en hann sér um að halda utan um hópinn og aðstoða þegar þörf krefur og jafnvel bóka hópinn í hinar ýmsu ferðir innanlands í landinu sem þeir eru að heimsækja. Í mörgum löndum er þess síðan krafist að innlendur leiðsögumaður stýri ferðinni í skoðunarferðum innanlands en fararstjórinn getur þá túlkað úr ensku (eða pólsku ef hann kann hana, nú eða t.d. spænsku) og verið einskonar millliður. Ég er alveg sammála Ragnheiði með það að erlendir hópar geta vel verið með hópstjóra með sér en ættu að vera skyldaðir til að taka innlendan leiðsögumann í ákveðnar ferðir hérlendis, sem hefur þá þekkingu á landinu og aðstæðum. Það hefur alveg sýnt sig núna að ef það vantar aðila sem er kunnugur staðháttum og þeim hættum sem ber að varast í þessu landi þá getur farið illa.